Tələbə bələdçisi

Sayt və imkanlar

Saytda yataqxanaya qeydiyyatdan keçirsiniz, müqaviləni elektron imzalayırsınız, yataqxanada yaşayanda isə mənzildəki nasazlığı bildirib ustanın işini izləyirsiniz.

Sınaq dövründə saytın ünvanı: https://dorm.az:4322

Telefonda menyu sağ yuxarıdakı ☰ düyməsi ilə açılır. Kompüterdə bölmələr yuxarıda sıra ilə görünür.

Sualınız varsa, əvvəlcə FAQ bölməsinə baxın: yataqxana qaydaları, qonaqlar, sakitlik saatları (22:00–07:00) və s. Cavab tapmasanız — Əlaqə bölməsindəki telefonlar və ya “Mesaj göndər” forması.

Qeydiyyat: yataqxanada yer üçün müraciət

Qeydiyyat üç addımdır: Yoxlama → Müraciət → Təsdiq. Bir FİN ilə yalnız bir müraciət qəbul olunur. Telefon nömrəsi başqa müraciətdə istifadə olunmamalıdır.

Addım 1 — Yoxlama

1. Menyuda Qeydiyyat açın.
2. FİN kod — şəxsiyyət vəsiqəsindəki 7 simvol (hərflər və rəqəmlər).
3. Doğum tarixi — təqvimdən seçin.
4. Yoxla basın.

FİN 7 simvol deyilsə, “Dəyər düzgün deyil” yazılır; boş sahədə — “Bu sahə mütləqdir”.

Bu FİN ilə müraciət artıq varsa, adətən forma açılmır: “Siz artıq qeydiyyatdan keçmisiniz.” və müraciətin statusu göstərilir — Gözləyir, Təsdiqlənib və ya İmtina edilib. Davam etmək üçün Şəxsi kabinetə keç.

Addım 2 — Müraciət məlumatları

Tələbə bazasında tapıldınızsa, yaşıl yazı çıxır: “Siz tələbə bazasında tapıldınız”. Təhlükəsizlik üçün bazadakı məlumatlar gizlədilib və sahələrdə boz rənglə göstərilir (məsələn, T***l, +994 50 *** ** 07).

• Məlumat düzdürsə, sahəni boş saxlayın — o bazadan götürüləcək.
• Dəyişmək lazımdırsa, yenisini yazın.
• Bazada e-poçtunuz varsa, sahə əvəzinə ünvanın gizli forması görünür: giriş məlumatları bazadakı bu ünvana göndərilir. Ünvan köhnədirsə, yataqxana administrasiyası ilə əlaqə saxlayın.

Bazada tapılmadınızsa, sarı yazı çıxır: “Məlumat tapılmadı. Zəhmət olmasa məlumatları əl ilə doldurun.” Bütün sahələri özünüz doldurursunuz; müraciəti inzibatçı yoxlayır. FİN və doğum tarixini düzgün yazdığınızdan əmin olun — bazada olduğunuz halda tapılmamağınızın səbəbi adətən yazı səhvidir.

* Bazada tapılmısınızsa və bu məlumat bazada varsa, sahəni boş saxlamaq olar.

Doldurduqdan sonra Müraciəti göndər. Geri birinci addıma qaytarır.

Addım 3 — Təsdiq

“Müraciətiniz qəbul edildi” — müraciət inzibatçıya getdi və statusu Gözləyir.

• İstifadəçi adınız ekranda yazılır: ad.soyad latın hərfləri ilə, məsələn tural.memmedov (belə ad artıq varsa, sonuna 2, 3… əlavə olunur).
• İstifadəçi adı və şifrə e-poçtunuza göndərilir. Məktubu saxlayın və şifrəni heç kimə verməyin.

Şəxsi kabinetə keç — kabinetə daxil olun.

Şəxsi kabinetə giriş

1. Saytın yuxarısında Kabinet basın.
2. E-poçtla gələn İstifadəçi adı və Şifrə yazın. Şifrəni göstər yazdığınızı göstərir.
3. Daxil ol basın.

İstifadəçi adında böyük-kiçik hərf fərqi yoxdur. Giriş bu cihazda yadda qalır; sayta 7 gündən çox girməsəniz, yenidən daxil olmaq lazım gələcək.

Mesaj	Nə etməli
İstifadəçi adı və ya şifrə səhvdir	Məktubdakı məlumatları diqqətlə yazın və ya şifrəni bərpa edin.
Hesab müvəqqəti bloklanıb, 15 dəqiqədən sonra yenidən cəhd edin	10 səhv cəhddən sonra giriş 15 dəqiqəlik bağlanır. Gözləyin və ya şifrəni bərpa edin.

Kabinetdən çıxmaq üçün Çıxış. Başqasının telefonundan və ya ümumi kompüterdən istifadə edəndə mütləq çıxın.

Şifrəni unutmusunuz

1. Giriş formasında Şifrəni unutmusunuz? basın.
2. FİN kod, Doğum tarixi və müraciətdəki E-poçt ünvanını yazın.
3. Yeni şifrə göndər basın.
4. E-poçtu yoxlayın: yeni şifrə gəlir, istifadəçi adı dəyişmir. Məktub yoxdursa, “Spam” qovluğuna baxın.

Məlumatlar müraciətdəki ilə tam üst-üstə düşməlidir. Təhlükəsizlik üçün sayt həmişə eyni cavabı verir: “Məlumatlar düzgündürsə, yeni şifrə e-poçtunuza göndəriləcək.” Məktub gəlmirsə, yataqxana administrasiyası ilə əlaqə saxlayın.

Şifrə bərpa olunanda giriş bloku açılır, digər cihazlardakı girişlər bağlanır.

Müraciətin gedişatı

Kabinetdə “Qəbul müraciətinin gedişatı” bölməsi beş addımı göstərir. Yaşıl nöqtə — addım keçilib, sarı — indiki addım, boz — qarşıda, qırmızı — problem var.

Addım	Nə deməkdir
Müraciət göndərildi	Müraciətin tarixi.
Müraciət baxılır	İnzibatçı təsdiqini gözləyin. Təsdiqlənəndə “Müraciət təsdiqləndi”, rədd olunanda qırmızı “Müraciət rədd edildi” və səbəb.
Müqavilə göndərildi	İmzalama linki SMS və e-poçt ilə gəlib.
Müqavilənin imzalanması	SİMA, ASAN İmza və ya e-İmza ilə imza.
Yerləşmə	İmzadan sonra mənzil təyin olunur; sonra burada mənzil və tarix görünür.

“Məlumatlarım” bölməsində FİN, fakültə, kurs, telefon və e-poçt göstərilir. Səhv varsa, yataqxana idarəsinə müraciət edin — burada özünüz dəyişə bilməzsiniz.

Müqavilə və elektron imza

1-ci kurs tələbələri üçün müraciət təsdiqlənən kimi müqavilə avtomatik hazırlanır və imzalama linki müraciətdəki mobil nömrəyə SMS ilə (və e-poçta) gəlir. Digər kurslar üçün müqavilə barədə məlumatı yataqxana idarəsi verir.

1. SMS-dəki (və ya məktubdakı) linki açın.
2. Müqaviləni oxuyun və SİMA, ASAN İmza və ya e-İmza ilə imzalayın.
3. İmzadan sonra kabinetdə status avtomatik İmzalanıb olur (bir az vaxt ala bilər).

Müqavilənin faylı varsa, Müqaviləni aç (PDF) düyməsi ilə yükləyə bilərsiniz (imzalanıbsa — imzalı nüsxə).

Yataqxanada yaşayırsınızsa

Mənzilə yerləşdiriləndən sonra kabinetin yuxarısında “Mənziliniz” kartı görünür: mənzilin nömrəsi, yataqxana, bina, blok və yerləşmə tarixi.

• Müraciət et — mənzildə və ya ümumi sahədə (dəhliz, lift, həyət…) nəsə xarabdırsa və ya nəsə lazımdırsa, müraciət.
• “Yataqxana müraciətlərim” — son müraciətləriniz; hamısı üçün Hamısına bax →.
• Müqavilə, “Məlumatlarım” və “Qəbul tarixçəsi” aşağıda qalır.

Yeni sistemdən əvvəl yerləşdirilmisinizsə də, mənziliniz burada görünür.

!

Mənziliniz və “Müraciət et” düyməsi kabinetdə yalnız qeydiyyat zamanı tələbə bazasında tapılmısınızsa görünür. Yataqxanada yaşayırsınız, amma “Mənziliniz” kartı yoxdur — yataqxana administrasiyasına müraciət edin.

Müraciət etmək

Kabinetdə Müraciət et basın və müraciətin növünü seçin:

Hər növ üzrə eyni anda bir açıq müraciət ola bilər: nəticəsini gözləyin, sonra yenisini göndərin. Belə növ siyahıda “Bu növ üzrə açıq müraciətiniz var” yazısı ilə görünür. Texniki problemdən başqa növlər aşağıda izah olunur.

Texniki problem

Bir müraciət — bir yer (öz mənziliniz və ya bir ümumi sahə). Bir müraciətə 5-ə qədər problem yazmaq olar, hər birinin öz kateqoriyası və statusu olur, fərqli ustalar həll edə bilər.

1. Kabinetdə Müraciət et → Texniki problem basın.
2. 1. Yer: Öz mənzilim (mənziliniz avtomatik yazılır) və ya Ümumi sahə (dəhliz, lift, həyət…). Ümumi sahə üçün Bina, Sahə və istəsəniz Mərtəbə seçin.
3. 2. Problemlər: Kateqoriya seçin və Təsvir yazın — nə baş verib, harada, qısa və dəqiq (1000 simvola qədər).
4. İstəsəniz Şəkil əlavə et (3-ə qədər) — hər problemə 3 şəkil, hər biri 10 MB-a qədər (JPEG, PNG, WebP). Səhv şəkli × ilə silin.
5. Başqa nasazlıq da varsa, Problem əlavə et və təkrarlayın. Artıq problemi Problemi sil ilə silin.
6. Göndər basın. Müraciətin kartı açılır, “Müraciət göndərildi” yazılır.

Kateqoriyalar: Elektrik, Santexnika, Soyuducu, İstilik və isti su, Qapı və kilid, Mebel, İnternet, Təmizlik, Digər.

“Müraciət et” düyməsi yalnız mənzilə yerləşdirilmiş tələbələrin kabinetində olur.

Prioriteti (təcililiyi) siz seçmirsiniz: o kateqoriyaya görə təyin olunur, lazım olsa inzibatçı dəyişir.

Digər müraciətlər

Təminat, mənzil dəyişmə, təmizlik, gec daxilolma və kommersiya fəaliyyəti üçün müraciətə yataqxana administrasiyası baxır və qərar verir. Müraciətin nömrəsi M- ilə başlayır (məsələn, M-12).

Təminat

1. Əşya seçin, Say yazın (1–10) və Səbəb seçin: “Yoxdur”, “Sayı çatmır” və ya “Dəyişdirilməlidir”.
2. Başqa əşya lazımdırsa, + Əşya əlavə et (bir müraciətdə 5-ə qədər). İstəsəniz Qeyd yazın.
3. Göndər basın.

Administrasiya müraciəti təsdiqləyir (lazım olsa, sayı azalda bilər), sonra anbar əşyanı verir: status “Təsdiqləndi”, sonra “Verildi”. Anbarda yoxdursa — “Verilmədi” və səbəbi.

Mənzil dəyişmə

1. Bina seçin. Siyahıda bu binanın sizə uyğun boş yeri olan mənzilləri görünür: neçə boş yer var və orada kim yaşayır — adı, ixtisası, kursu.
2. İstədiyiniz mənzili seçin, Səbəb yazın və Göndər basın.

Təsdiqdən sonra administrasiya sizi yeni mənzilə köçürür — status “İcra olundu”, kabinetdə yeni mənziliniz görünür. Bu vaxt ərzində həmin mənzildə yer qalmasa, müraciət imtina edilə bilər.

Təmizlik

Planlı təmizlikdən imtina və ya Növbədənkənar təmizlik seçin, Tarix (bu gündən) və Səbəb yazın.

Gec daxilolma

1. Birdəfəlik (bir tarix) və ya Müəyyən müddət üçün (başlanğıc və son tarix, 180 günə qədər) seçin.
2. Nəzərdə tutulan giriş saatı və Səbəb yazın.
3. Sənəd əlavə et — məsələn, iş yerindən arayış (JPG, PNG, PDF, DOC; 10 MB-a qədər, 5 sənədə qədər).

Təsdiqlənən icazə müraciətin kartında böyük “Gec giriş icazəsi” kartı kimi görünür: adınız, mənziliniz, tarixlər və saat, “Etibarlıdır”. Girişdə növbətçiyə bu kartı göstərin; növbətçidə də həmin günün icazələr siyahısı olur. Müddət bitəndə kartda “Müddəti bitib” yazılır.

Kommersiya fəaliyyəti

Fəaliyyətin növü, Təsvir, Yer, başlanğıc və son tarix, istəsəniz istifadə ediləcək avadanlıq yazın və lazım olan sənədləri əlavə edin. Təsdiqlənən icazə də kartda görünür; administrasiya şərtlər yaza bilər.

Statuslar və cavab

Status dəyişəndə e-poçtunuza məktub da gəlir (e-poçt göstərilibsə).

Müraciəti izləmək

Bütün müraciətlər: kabinetdə Hamısına bax →. Yuxarıda üç bölmə var: Hamısı, Davam edir (açıq müraciətlər), Bağlandı (bağlanmış müraciətlər).

Hər kartda: müraciət nömrəsi, Açıq və ya Bağlandı, yer, kateqoriyalar və tarix. Müraciət bütün problemləri bağlananda “Bağlandı” olur. Açıq müraciətdə “1/2 həll olundu” kimi yazılır — neçə problemin həll olunduğu (ləğv edilənlər sayılmır). Geri götürülmüş müraciət “Ləğv edildi” kimi göstərilir.

Karta basın — müraciətin kartı açılır. Hər problem üçün görürsünüz:

• status və prioritet, işi götürən ustanın adı (“Usta”);
• gözləmədədirsə — səbəb və gözlənilən tarix;
• bağlanıbsa — “Nəticə”: ustanın qeydi və ya səbəb;
• şəkillər və statusların tarixçəsi (hansı status nə vaxt).

E-poçtunuz varsa, məktub da gəlir: müraciət qəbul olunanda, usta təyin olunanda, iş gözləməyə keçəndə, həll olunanda, həll olunmayanda və inzibatçı ləğv edəndə.

Problemin statusları

Problem əlavə etmək, şəkil, geri götürmək

Açıq müraciətə yeni problem

1. Müraciətin kartında Problem əlavə et basın.
2. Kateqoriya seçin, Təsvir yazın, Əlavə et.
3. Şəkli sonra problemin altındakı Şəkil əlavə et ilə əlavə edin.

Bir müraciətdə ən çox 5 problem olur. Müraciət bağlanıbsa, yeni müraciət göndərin.

Şəkil əlavə etmək

Problem açıq olduqca və problemdə 3-dən az şəkil olduqca (ustanın şəkilləri də sayılır), problemin altında Şəkil əlavə et görünür. Şəkli silmək mümkün deyil.

Müraciəti geri götürmək

Səhv göndərmisinizsə və ya problem özü düzəlibsə: kartda Müraciəti geri götür → “Müraciət ləğv edilsin?” → Bəli. Bütün problemlər Ləğv edildi olur.

Saytı telefona tətbiq kimi quraşdırmaq

Saytı telefonun ana ekranına əlavə etsəniz, o “Univerium” ikonu ilə ayrıca tətbiq kimi açılacaq. Mağazadan heç nə yükləmək lazım deyil.

Menyu adları telefonun dilinə görə bir az fərqli ola bilər. Tətbiq internetsiz işləmir.

Problemlər və həlli